Şübhəli Əməliyyatların Monitorinq Sistemi (“ŞƏMS”) maliyyə əməliyyatlarının real vaxt rejimində izlənilməsi və risklərin effektiv idarə olunması üçün yaradılmışdır. Layihənin əsas məqsədi maliyyə cinayətlərinin, xüsusilə də pul yuyulması və terrorizmin maliyyələşdirilməsi hallarının qarşısını almaq üçün qabaqcıl texnologiyalardan istifadə edərək proaktiv nəzarət sisteminin qurulmasıdır. Platforma mürəkkəb analitik alqoritmlər, süni intellekt əsaslı məlumat emalı və risk göstəricilərinin avtomatlaşdırılmış təhlili funksiyaları ilə təmin edilmişdir. Layihə nəticəsində MMX-in nəzarət imkanları gücləndirilmiş, əməliyyatların şəffaflığı artırılmış və beynəlxalq standartlara tam uyğunluq təmin edilmişdir.